«Тхьаба-Ерд» яхача моттигаца дувзаденна, кердадараш гучадувлаш латт
27.02.2024 10:53
«Тхьаба-Ерд» яха моттиг тохкаш, цун доазон тIа балхаш дIакхухьаш ба Iилманхой - тохкама болхлой. Из хоам «Сердало» газетага бир мехка кабмино.
«Исторически топпарах яь хIамаш гучаяларал совгIа, хьалха цига хиннача гIишлоех йиса лард, пенаш гучадаьннад цига. Хетаргахьа, цхьан хана цига яьгIача гIишлоех дисараш да уж. Уж балхаш дIахьош боахкараш ба «АСМ Групп», «Наследие Кубани», Крупнова цIерах болча археологически оагIон болхлой», - йоах тхогарча хоамо.
Цу моттига истори довза ловраш тахан дукха ба. ХIанзчул тIехьагIа тахка, довза дезаш дола истореца дувзаденна лоархIамедараш гIалгIай мехка кхы а долга хьагойт цо.
ХIара хIаман ший ха я. Iилманхой хьинаре къахьегаш ба цу доазан тIа.
