Таро йоацарашта 2000 совгӀа ГӀурбанна доаде жа дӀадийкъар
15.06.2024 22:48
Ид аль-Адха цӀай хьатӀадоагӀаш, ГӀалгӀай мехка таро йоацача наха ГӀурбанна доаде 2000 совгӀа жа дӀадийкъар, яхаш, дийцар «Сердало» газетага ГӀалгӀайчен Кулгалхочун, Паччахьалкхен зарбан болх лелабераша.
Вай республике Ӏадат хинна дӀаэттад, таро йоацача наха новкъостал дар. Сийрда цӀай долча укх дийнахьа, тха безам ба таро йоацача нахаца из цӀай декъа, царна дикахетар де», - аьлар ГӀалгӀайчен кулгалхочо Келаматанаькъан Махьмуд-Ӏаьлас.
Из сагӀа таро йоацарашта, дукха дезал барашта, СВО дезалашта, бейнача бокъонаш лораерий болхлой дезалашта дӀакхоачийтаргда. Иштта новкъостал дергда Къилбаседа ХӀирий Пригородни кхален бахархошта.
«Халача хьалашка тахан бахача наха дикахетар хилда цох, цӀай долча дийнахьа», - аьлар Келаматанаькъан Махьмуд-Ӏаьлас.
