ГӀалгӀай къаман
юкъара газет

Кердадараш

ГӀалгӀайче цхьан кулгалхочо йоалах доагӀаш дола 84 млн сом дӀаденнадац

ГӀалгӀайче, коммерчески моттигерча кулгалхочо йоалах шийгара доагӀа 84 млн сом ахча дӀаденнадац, цунна духьала уголовни гӀулакх хьадийллад ГӀалгӀай Республике гӀолла йолча Россе УФНС баьча балхага хьежжа, яхаш, дувц «Сердало» газетага ГӀалгӀай Республике гӀолла йолча Россе СК СУ.

«Тохкамхоша яхачох, 2018 шера наджгоанцхой беттагара 2020 шера оагӀой беттага кхаччалца, гӀишлон даькъ тӀа болх беш волча доалахьара балхаш деча сага, хьалххе а кийчдаь, харц каьхаташ йоал дӀалуча декларацена юкъедаьхийтад. Цу тайпара тийшаболх барах, РФ бюджета 84 миллион сом зе хиннад, цо ший ханнахьа из дӀачуцадаларах», — аьлар бокъонаш лораераша. ХӀанз укх сахьате, цунна бехк беш дола каьхаташ тохкаш да.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде