«Ша бижа зама» яха мультфильм гӀалгӀай меттала даккха лерхӀ вай мехка
«Ша бижа зама» яха мeльтфильм гӀалгӀай меттала доаккхаш, болх дӀабахьа лерхӀ вай мехка кастта. Из хоам «Сердало» газетага бераш ба, из болх бе дагадехараш.
«Ихсан» яхача дикача гӀулакхий ганза чуйоагӀача «Бовзаш боацараш» яхача къаман проекта доакъашхой таханарча хана цу гӀулакха эша актёраш лохаш ба, царех цхьабараш корабаьб ала а мегаргда.
Эггара керттердар – актёраш цӀена, шаьра гӀалгӀай мотт ховши лебеши хилар. Цул совгӀа, хӀара актёра оаз малагӀча таржаме товш я хьожаш, хоржам бе беза. Актёраш хоржаш бола болх дӀахьоргбар ва цӀихеза гӀалгӀай йоазанхо, журналист Матенаькъан Илез. Адрес: Наьсаре, Московски урам, № 35», - дийцар тха газетага проекта доакъашхоша.
Белгалде деза, «Ша бижа зама» яха мультфильм 2002-ча шера Крис Уэдж яхача режиссёра арадаьккха хилар. Массанена из чӀоагӀа дезаденна хиларах, кхы а пхе тайпара дӀахододар арахийцад мультфильма.
