ИнгГУ 30 шу дизара хетадаь кино даьккхад республике
03.05.2024 09:28
ГӀалгӀай паччахьалкхен университета 30 шу дизара, гӀалгӀай лакхерча ишкола 86 шу далара хетадаь документальни кино даьккхад республике. Rutube и VK университета оагӀонашка го йиш я из кино, хьажа чам барашта.
«Из деррига гӀулакх дагадехар, кино продюсер я философски Ӏилмай доктор, профессор, университета ректор йола Ӏалбаканаькъан Фатима, сценарист, режиссёр - политически Ӏилмай кандидат, йоккхагӀа йола хьехархо Баркинхой Залина», - дийцар тха «Сердало» газетага университете.
Из болх вӀашагӀболлаш баьхкараша доккха баркал оал, шоашта гӀо деш мел лаьттарашта - университетерча болхлошта, паччахьалкхен архива, Ӏилма-тохкама института болхлошта, «ГӀалгӀайче» яхача паччахьалкхен телерадиокомпанена.
