ГӏалгӀай мехка дика хьалаш кхолларгда Мархий бетта
28.02.2025 15:16
Беза Мархий бутт хьатӀабоагӀаш, ГӏалгӀайчен кулгалхочо Келаматанаькъан Махьмуд-Ӏаьлас амар арадаьккхар, наха марха кхаба аттагӀа хургдола гӀулакхаш белгалдеш.
Балха моттигашка балха ди цхьан сахьата лоацагӀа хургда. Вахара хьалаш лоаттадеча предприятей кулгалхошта тӀадиллар ца хаддаш ток, газ, хий лоаттадар. Кхачан продукташ йохкаш йола тикаш 23 сахьат даллалца болх беш хила еза аьлар, маьхаш лакх ца делга дийхар.
Цул совгӀа, Келаматанаькъан Махьмуд-Ӏаьлас декхар даь тӀадиллар «Кавказ» оалача боккхача машина наькъ тӀа лелача наха марха даста таро луш бола болх вӀашагӀболлар.
Мехка юртбоахамашта тӀадиллар Мархий бутт дӀабаллалца юртбоахама кхача бохка ярмаркаш чакхъяхар.
