ДӀадоладелар гӀалгӀай метта хетадаь итт Ди
17.02.2025 16:33
ГӏалгӀай мехка дӀадоладелар наьна метта хетадаь итт Ди, уж дӀахьоргда республикан ишколашка, колледжашка, вузашка. Цу программа чуйоагӀаш дӀаяхьа лаьрхӀад викторинаш, ловзараш, лекцеш, цар доакъашхошта таро лургья гӀалгӀай метта хозал йовза, цун мах оттабе.
ГӏалгӀайчен кулгалхочо Келаматанаькъан Махьмуд-Ӏаьлас белгалдир, уж Денош дӀахьош хилар лоархӀаме долга, цо иштта аьлар гӀалгӀай мотт кӀезиг-кӀезига боалаш, дӀабоалаш боагӀа дезала юкъе ца бувцаш:
«Дезал массайолча хана метта а къаман Ӏадатий а корта хиннаб, тахан вай дерригаш а оарцагӀдала деза из мотт хӀара фусаме бувцаргболаш».
Цул совгӀа, цо гӀалгӀай лингвисташ тӀахьийхар мотт кӀоаргагӀа Ӏомабара, цу юкъе нийслуш дола къовсамаш дӀадахара, из нийса бувцара, язбара.
