ГӀалгӀай Республикан кагирхой политикан, туризма Министерствос Ӏалама Министерствоца цхьана «Грута кӀалхаръяккха» яха каьхаташ гулдара проект дӀахьош, 24 ишколашка из болх бир. ГӀалгӀайчен кхаь дешара моттиге къаьстта дикагӀа бир из болх, уж белгалйир совгӀаташца, грамоташца, яхаш, дийцар «Сердало» газетага ГӀалгӀай Республикан кагирхой министерстве.

«Экомарафоне дикагӀа дакъа лаьцарех бар МагӀалбика №2 йолч, СоагӀапчарча №30 йолча, Илдарха-ГӀалан №3-ча ишкола викалаш.

Берашта совгӀаташ а грамоташ а елар республикан Ӏалама тароний, экологе министра Хьулахой Саварбика. Цу боахама кулгалхочо яхачох, цу тайпара кхетаченаш дӀахьош хиларо берашта пайда лу, шоай хьамсарча моттигашкара экологи лораю таро хулийт, мехкацара безам совбоаккх», - аьлар хоамо.

Берий новкъосталца, оаха дукха каьхат гулдир. Доакъашхоша каьхат дӀалора юкъарча гӀулакха лаьрхӀа, цу юкъе хӀаране ший цӀагӀара дезалхо а юкъевоалавора», - аьлар проект вӀашагӀъеллача кагирхой политикан, туризма болхлочо Хьулахой Ахьмада.

Белгалду, из яхь дӀайолайича денз, 22255 тонн каьхат гулдаьд ГӀалгӀайче.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде