ГӀалгӀай къаман
юкъара газет

Кердадараш

Магаса дешара Центре сийрда хургья

ГIалгIайчен столицерча Магас-Шахьара дешара Центре сердал, дикагIа хургйолаш, тоаеш латт. Из вайцига эггара йоккхагIа йола ишкол я, 1,5 эзар дешархочунна лаьрхIа, яхаш, дийцар «Сердало» газетага шахьара администраце.

«Из болх дIахьош ба «Магас-Шахьара Электросеташ» яхача МКУс. Цу дешара урхаллен гонахьара доазув тоаде доладаьд, шахьара кулгалхочо Орцханаькъан Зайтас оттадаьча декхарашка хьежжа. ХьалхагIа нах латкъаш бар, ара садайначул тIехьагIа сердал дIайоалаш, хIама ца гуш, халонаш нийслуш хиларах. Цудухьа светодиодни оалаш йола сердал лу лампаш оттаергья цига», — йоах хоамо. Из беррига болх, хьабаь, йистебоаккхаргба; керда дешара шу дIадолалуш.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде