Мархий бетта ГӀалгӀай мехка хургья юртбоахама ярмаркаш
ГӀалгӀайчен Кулгалхочо тӀадиллача декхарах, мархий бетта республикан шахьарашка, кхалешка вӀашагӀъехкар юртбоахама ярмаркаш. Уж дӀахьош хилара маӀан да, массехк лоархӀамегӀа болча кхачан даарашта маьхаш тӀацатохийтар. Цо таро лургья бахархошта, маьха чухьнахьа долаш, шоашта эшаш дола даар эца.
Ярмарке дукха кхачан даараш хургда, цу юкъе шурий, дулха продукци а йолаш, хьоарах яь, сомаш, баьцадаараш, кхыдар.
Цига дакъа лоацаш хургба моттигера бахархой, уж хьожаргба продукци керда а дикал йолаш а хилийта. Ярмарке йохкаш йолча хӀамаш базар тӀа йолчул маьха чухьнахьа хургья, цудухьа уж эцаш аттагӀа да бахархошта.
Келаматанаькъан Махьмуд-Ӏаьлас белгалдир цу тайпара кхетаченаш дӀаяхьар мел лоархӀаме да Мархий бетта, хӀамаш юхайохкаргйоацаш, маьхаш лакхдергдоацаш. Ярмаркаш дӀахьоргья укх юрташка: Заьзгакъонгий-Юрт (тушола бетта 9-гӀа ди), Илдарха-ГӀала, ЖӀайрахь (тушола бетта 15-гӀа ди), ГӀажарий-Юрт (тушола бетта 22 ди). Магас-Шахьар тӀа ярмарка хургья тушола бетта 27-ча дийнахьа.
