«Турпалхочун цӏи юхале» яхача боламга гӏолла, СВО ветеранашца кхетаче дӏахьош хилар мехка
«Къона мехкагӏонча» яхача берий лагере, лоархӏаме кхатаче дӏахьош хилар. «Турпалхочун цӏи юхале» яха Ерригача Россе тӏема-Даьхенцарча лерхӏамах бола болам дӏабихьар цига, СВО ветеранаца Албохчанаькъан Джабраилца. Кхувш латтача къонача тӏехьенна нийса кхетам балара тӏехьа лоархӏаме моттиг дӏалоацаш гӏулакх да из. Деналах, Даьхе бахьан доаржадеча доккхача гӏулакхех телеэкрана тӏара, газета оагӏонашкара ца довзаш, цу дерриганех чакхбаьннарашкара хаза аьттув ба къонабарий.
«Албохчанаькъан Джабраила кагирхошта дийцар, тӏема аренашкарча тайп-тайпарча исторех, бӏухошта юкъерча доттагӏалах, вӏаший тӏаотташ хиларах. Иштта цо белгалдир, тӏема декхараш кхоачашдеш латтарашта цӏагӏара оагӏув хьаллоацаш хилар чӏоагӏа лоархӏаме долга. Цу кхетаче дакъа лоацаш вар «Даьхен лорабой» яхача ганза мехкарча филиала болхло Мержой Ибрахӏим. Турпалхой, цар дезалий хьашташ кхоачашдеш республике дӏахьоча балхах дийцар цо», - йоах «Сердалога» бенача хоамо.
Дукха хаттараш дар къонабарий, кхетаче дӏахьош хиннарашка. Коталонца, могаш-маьрша болаш, ма хулла кастагӏа цӏенах кхета даькъалабийцар цар вай къаман къонгаш.
Белгалде деза, «Турпалхочун цӏи юхале» яха болам къонабарашца дӏакхахьар лоархӏаме долга.
