Алхастерча урамашкара наькъаш тоадаьд
19.11.2023 14:18
Шолжа кхален Алхастерча администраце новкъосталца Речной, Набережни урамашкара наькъаш тоадаьд, яхаш, дийцар доал деча даькъ тӀарча зарбан болх лелабераша.
Доккхий догӀаш дийлхача, асфальт боаца наькъаш дохаду, гӀаш а машенашца а дӀаваха йиш йоацача доал уж. Из бахьан долаш, юртарча администраце лаьрхӀар, ший таронга хьажжа, уж ши урам тоабе.
«Тоадара балхаш деш, гӀум-жагӀа юкъе бола (ПГС) хьарцар дир. Тоабе беза никъ бӀаьха бар, шаккха урам дӀалаьрхӀача 1050 метр хулар цох», - йоах хоамо.
