НачӀаса гӀувнаш тӀара ногӀараш лечкъадерашца, къовсам лоаттабу шахьара хьакимаша
01.02.2024 10:13
Магасерча начӀаса гӀувнаш тӀара ногӀараш лечкъадеча зуламхошца къовсам лоаттабилла бац шахьарера хьакимаш. Из хоам «Сердало» газетага бир шахьарерча администраце.
«Кулиева цӀерах болча урам тӀарча начӀаса гӀувна тӀара ногӀар дихьад, аьнна, хоам беча; чехка дӀабаха, тӀадиллар кердадар. Оаха цӀаькха а кхайкарал ду вай бахархошка! Боккъал а ма леладе зулам, ма хила сел ираз дайнарех!
ДӀа-хьа ухача наха юкъе кхерам боаржабу цу гӀулакхо, моллагӀа хатар хьахила йиш я цига; сага, машена зулам деш», - йоах хоамо.
Хьалха хинна аьшках даь ногӀараш дӀачутелаш, царех ахча ийдора зуламхоша. Тахан царна меттел пластиках даьраш тӀадаьхкача а, совцаш бац уж лечкъаде Ӏемараш.
