ТӀема комиссара къамаьл дир «Турпалхо» яхача ловзара викалашца
16.12.2024 16:31
ГӏалгӀай Республикан Шолжа-Шахьара тӀема комиссара Джимханов Мухьмада къамаьл дир «Турпалхо» яхача тӀема говзалца дувзаденнача ловзара доакъашхошца, яхаш, дийцар «Сердало» газетага ГӏалгӀай Республикан кагирхой туризма Министерствон зарбан болх лелабеча Гӏулой Аминас.
«Из цига вар бахьан дар, доакъашхой хьаллацар. Кхетачен шоллагӀа дакъа дӀахьош, Джимхановс дийцар, яхьаш дӀаяхьарах шийна хийттачох лаьца. Цо яхачох, тӀема говзала ловзараш дикача оагӀорахьа Ӏаткъаш да нийса вахара никъ дӀахьоча кагирхошта; цул совгӀа, цар новкъостал ду професси хоржаш», - аьлар тха газетага.
«Шо тахан хургдола вахар дӀадахьа кийчлуш да, шоана укхаза хьаийцар кхоана накъадаргда. Тешаш хила шоаех а шоай новкъостех а», - аьлар цо.
