ГӏалгӀайче белгалдир, болх боацараш геттара кӀезига хилар
ГӏалгӀайче балхазал исторически кӀезига хилар гуш да, из я - 6,1%. Из геттара лоха хьокхам ба мехка, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша. Дӏадахача шера хинначунца нийсйича балхазал 8,8% я, цо гойт болх боаца нах 7 505 кӀезигбеннилга.
Хьабе болх боацаш дола хьал 27,2% лохдара дола декхараш тӀехкхоачашдаьд. Хила тарлуш хиннача 23 400 сага меттел, ер шу дӀадоладелча денз болх лоаттабара йолча моттиге 17 025 ва болх лохаш. Цу юкъе лоархӀаме дакъа дӀалоац профессиональни дешара программо: дӀадахача шера 258 сага лаьрххӀа говзалаш Ӏомаеш дешараш дийшар, цо дика таронаш елар царна балха отта.
Из доацаш а, хьалха кхы а дукха болх ба. Болх боацаш хилара боарам лакха ба - 25,4%. Цун керттера бахьан да болх лохаш барашта, из лоаттаберашта юкъера балха говзала боарамаш башхало йолаш хилар.
«Керттера декхар да - дӀахо ГӏалгӀайче къахьегаш хилар, керда балха моттигаш хургйолаш, хӀаьта наха шоашта ховш дар юкъедаккхар», - аьлар ГӏалгӀайчен кулгалхочо Келаматанаькъан Махьмуд-Ӏаьлас.
