Информатиках йолча Ерригроссийски олимпиадан, вай республикера бIал чакхбаьлар
24.01.2024 11:23
Вай республике дIабихьар информатиках йолча Ерригроссийски олимпиадан бIал. Из хоам «Сердало» газетага бир олимпиада вIашагIъеллараша.
«9-11-ча классашка дешаш волча «Кванториум» яхача технопарка 80 дешархочоа юкъе дIайихьар олимпиада. Программировани, информатика, компьютера сайташ, программаш йовзаш дола бераш гучадоахаш, дIабихьа болх бар из. Дика толам баьккхарий аьттув хургба шоашта дезаденна хIама кхы а кIоаргагIа Iомадеш, довзаш, кхетам эца», - дийцар тха газетага технопарка болхлоша.
