Наьна мотт боаржабарах йола яхьаш дӀайихьар вайцига
30.09.2024 14:08
«ГӀалгӀай мотт дешашка, йовхьамашка» яха наьна метта хьал тоадарах йола яхьаш дӀайихьар мехка. Из хоам «Сердалога» бир цу моттигера.
«Ишколан программашца дувзаденнараш хьаллоацаш, болх дӀабихьар яхьаш вӀашагӀъехкача республикерча Ерригача Россе къамашта юкъерча кагирхой союзо. Ӏилманца, литератураца, иштта кхыдарашца къахьегаш хилар тайп-тайпарча дешара моттигашкара бераш. ГӀалгӀай мотт цӀена, дика ховш хилар довзийташ, ворхӀ ишкол яр», - йоах хоамо.
ЖӀайрахьарча Лаьнанаькъан И. цӀерах йолча ГБОУ ишколерча «Хьаст» яхача тоабан 15000 сом кхаьчар, Йоккхача Ачалкхерча № 1 йолча ишколан «Барттайна дезал» яхача тоабан 10000 сом делар, «Майра лаьчаш» яхача Шолжа-Шахьарерча № 1 йолча ишкола дешархоша 5000 сом даьккхар яхьашка.
