Хьалхарчар моттигерча даькъа болхлой гуллам чакхбаьлар
«ӏарамхи» яхача дарбан-унахцӏенон моттиге вӏашагӏкхетар-дагабалар чакхдаьлар. Из кхетаче лаьрхӏа яр Гӏалгӏай Республикан «Хьалхарчар болам» яхача моттигерча даькъа болхлошта, яхаш, дийцар «Сердало» газетага из болх вӏашагӏбеллараша.
«Цунна чудоагӏаш, гулбеннараша чаккхе йир 2025 шера проектах дӏабахьа безача балха, иштта белгалдир хьатӏадоагӏача шера де дезар. Моттигерча доал дара даькъ тӏарча говзанчаша докладаш йир дӏадахача шера баьча балхах, дийцар Болама керттерча проектах», - аьлар хоамо.
Цул совгӏа, кхаь дийнахьа доакъашхоша шоайла балха говзал йийкъар, цо таро елар доазонашта юкъера бувзам чӏоагӏбе, дӏахо дегӏаахара йола таронаш йовза.
Тхога хоам баьчо яхачох, Гӏалгӏайчен «Хьалхарчар болама» тоабо ший болх дика вӀашагӀболлара эша кӏийле хилар цу вӏашагӏкхетарах.
