ГIалгIайчеy столицера бахархой хьинаре кхадж тоссаш ба
15.03.2024 11:47
ГIалгайчен столицера Магасера бахархой хьинаре кхадж тоссаш ба Россе президент хоржаш, яхаш, дийцар «Сердало» газетага хоржамий комиссе доакъашхоша.
«Магас-Шахьара дешара Центра» №303 йолча даькъ тIа, болх дIаболабелар Iуйрийна денз. Моттигера бахархой, Россе лоархIамеча хьаланна шоашкара дакъа юкъедахьа лаьрхIа ба. Шийгара дика масал гойтар шахьара мэра Орцханаькъан Зайта.
Тахан кхадж тоссаш хилар бокъонаш лораеча моттигий болхлой, культуран, хIарма урхаллений викалаш», - аьлар тIахьожам лоаттабеча Султиганаькъан Ахьмада.
Белгалду, даькъ тIарча хоржамий комиссена керте латт, юкъерча дешара кулгалхо ТIоаршхой Марет.
