Россе Герзашцарча низий Министерствон агитцӀермашин кхаьчай вай мехка
Россе Герзашцарча низий Министерствон агитцӀермашин кхаьчай вай республике. «Дагалоаттамца цхьанкхетар. Низ - турпалалца» яхача болама хетаяь дӀа-хьа ухаш йола музей я мехка хьакхаьчар. ТӀема шерашка деналца моастагӀа вохавеш лаьттача даьй турпала никъ тӀехьенна бовзийташ йола проект я из.
ЦӀермашина чу хьокха оттаяьй Сийлахь-боккхача Даьймехка тӀем тӀа хинна хӀамаш, иштта тахан Украине тӀема операци дӀахьош хьадаьха гӀирсаш, герз. Коталон Ди гаргадоаладеш шоай са ца кходеш, фашиста духьаллаьттача бӀухоех дувцаргда цига, 56 тӀема каьхато довзийтаргда вай салташа гойта турпалал.
«Уж тайпара кхетаченаш хьаллацара тӀехьа хиннав со массахана, из проект дӀаяхьа гӀо дергда, раьза волаш. Из кхоалагӀа тематически цӀермашин кхаьчай ГӀалгӀай мехка»,- белгалдир вай мехкадас Келаматанаькъан Махьмуд-Ӏаьлас. Иштта республикан кулгалхочо хьоахадир, бӀаьстан хьалхарча бетта, тушола бетта, Наьсаре «Коталон цӀермашин», «Котало» яха шира цӀермашин тӀаэцаш хиннилга.
