ГIалгIайчен хьу меттаоттаяр духьа, 2022 шера 55 эзар га дIаегIай
В Ингушетии для восстановления лесов в 2022 году, благодаря систематической и плановой работе, высадили около 55 тысяч деревьев. В нынешнем году осуществили масштабные работы по посадке саженцев деревьев на территории 21 га. О проделанной работе Главе РИ Махмуду-Али Калиматову доложил министр природных ресурсов и экологии Ингушетии Ахметхан Шадиев, сообщает пресс-служба руководителя республики.
«Вай хьунаш — вай рузкъа, из цIена фо да, оалхазараш, хьайбаш. Хьу лорае еза, цун рузкъа совдоахаш хила деза, гаьнаш лорае еза, хьунашкара дийнаташ лораде деза. Геттара а лоархIаме да модз доаккхаш йола гаьнаш дIайогIар.
Мехка Президента оттадаь декхар кхоачашдеш, 2024 шерга кхоачаш, дIаяьхача гаьнашта меттел къонаяраш кхеяра декхар кхоачашде деза вай, массадолча даькъ тIа уж хургйолаш», — аьнна хьалхадаьккхар, ше къамаьл деш, Келаматанаькъан Махьмуд-Iаьлас.
Мехка Iалама Министерствос ГIалгIайче гIолла кхоачашъеш я «Лорае хьу» яха къаман проект.
Iалам лорадара кулгалхочо белгалдир, 2022 шера федеральни проектах доаггIача беса 54,6 эзар къона га дIаегIа хилар, царех 4,1 гектар дIалоацаш я, овлаш къайла долаш дIаегIараш.
«2022 шера, «Лорае хьу» яхача Ерригроссе болама чуйоагIаш, республике 3 эзар га дIаегIай», — аьлар ГIалгIай Республикан Iалама Министерствос.
Шаденаькъанчо белгалдир, цу балха юкъе дакъа лоацаш 70 саг хиннав, аьнна, уж ба Iаьдала болхлой, бахархой, шоай лоIамагIа къахьегараш, дешархой. Гаьнаш къаеннараш тедаш, йоIаш, нийсъеш дола балхаш дIадихьар 17 гектара тIа, иштта 186 гектара тIа, эшаш йола молхаш тохаш, Iунал дир.
Хьу меттаоттаеш, дукха болх цу лостамагIа дIабихьабар дIадахача шерашка а. Цу тайпара 2019 шера денз 2021 шерга кхаччалца йолча хана, 400 гектара тIа хьу кердайоаккхаш бола болх баьб, хьу меттаоттаеш — 60 гектара тIа. Цу юкъа 140 эзар га дIаегIай хьун даькъ тIа, царех хьахургья керда гаьнаш.
Министра белгалдир, республике хьу меттаоттаяра бола болх дIабахьа беза 2,5 гектара тIа, аьнна. ГIалгIай республикан Iалама Министерствос яхачох, Шолжа-Шахьара чудоагIаш дола Шолжа дукъ дIалоацаш уллача доазон тIа, хьу дегIайоалаеш бола болх дIабихьаб 50 гектара тIа. Цул совгIа цIи яьлча из йоаеш йола техника а иштта цунна тохаш йола молхаш а ийцай.
