Цига дакъалоацаш хургья 10 предприяти, цар гойтаргья цу ярмарке 1000 ваканси, аьнна хоам бир «Сердало» газетага, ГIалгIай Республика Правительства пресс-служба.

Кагийбараш балха оттабар, лерттIа вахара хьалаш царна хьакхоллар, шоашта ховр цар маьхалдоакхаргдола никъ лахар, къонабарашта юкъе начIал дараш белгалбара йола таронаш вIашагIйохкар, региона а, цунна паччахьалкхен юкъарлонна а керттерча декхарех — цаI да.

Вакансей ярмарке региона кагийбарий таро хургья, болх луш болча викалашца шоаша къамаьлде а, иштта балха отта а.

Из вIашагIъеллараша яхачох, социальни акце лоархIамегIа йола оагIув я, цIай хинна из ярмарка цу дийнахьа дIаоттар.