ДукхагIа дола ГIалгIайчен правительства оперштабе кхоачаш хинна хаттараш дар (Ид аль -Фитр) мархаш долча деношка газаца е хица е светаца дувзаденна кхоачамбоацараш. Из дар дукхагIча даькъе хий сов лIаьгIа доагIаш, е хина турбаш лий лха, е свет дIаяйна, е газ лIаьгIа йоагIаш дола хаттараш.

Дерригаш а цу юкъе нийсденнараш 97 хаттар дар вай бахархошкара. Регистраци еча журнала тIа хьежача гуш да свет дIаяйна хиларах дена 46 хаттар да, хий цадоагIаш хиларах дена 47, царех 4 газ лIаьгIайоагIаш хиларах.

Хоам бу уж дерригаш шоай доагI-доагIача урхален дIаяздаь а, иштта юрта администрацешка цунах хоам баь а сихача новкъосталца ЖКХ системах нийсденна кхоачамбоацараш юстара даьхар аьнна.

Уж кхоачамбоацараш юстара дахарах I3 бригада (41 саг, 9 лаьрхIа йола техника) «МРСК ПАО Къилбаседа- Кавказа» филиале гIолла- «Ингушэнерго», 12 бригада (60 саг, 3 лаьрххIа йола техника) «Газпром Назранерча газ дIа-юха хьожаеча гIолла , иштта 8 бригада (40 саг, 12 лаьрххIа йола техника) «ИнгушрегионВодоканал» ГУП.

Говзанчаша оттабаьча маьхага хьежача укх наькъа нийсденна хатараш юстара дахара болх дикача боарам тIа дIабихьар, белгалде доагIа уж нийсденна хаттараш юстара дахара цхьа ди а доаданзар, цул совгIа баьча балха тIахьожам а лоаттабир.