Цу пайданерча гIулакхе дакъа лоацаш хилар, Магасе гIолла йолча, Россе МВД Отд ПДН инспектор, полице капитан Пхьиленаькъан Х., ГIалгIай Республике гIолла йолча Общественни совета доакъашхой Ваделанаькъан Д.,Iаьлаханаькъан А.

Iаьлаханаькъан Iалихана дийцар ладувгIархошта, наркотикашца дувзаденна гIулакх мел ийрча да а, цкъа цунах кхийттар юхавала могаш ца хиларах а, иштта цу саго мел доккха зе ду шийна а наха а.

Цо бераш тIахьийхар: спорт езаш хилара, нийса никъ лелабара, шоай унахцIено лораяра, шоаш а шоашта гонахьарбараш а цу воча зуламах лорабара.

Керттерча нарколога Ваделанаькъан Джамбулата, лицея дешархошта, дийцар: наркотиках цкъа кхийтта саг юхавала могаш ца хиларах а, иштта цо сага унахIенонна доккха зе деш хиларах а, цул совгIа, наха юкъера из массаза воча дешаца белгалвоалаш хилар а, из бахьан долаш, гонахьара новкъостий цунах дIакъасташ хиларах а.

Говзанча дийцар, берашта наркотик юкъеяккхаро психически а эмоциональни а зе деш хиларах, мел чIоагIа унзара да, кхыметтел, цунах цхьа молха малар е маха тохар.

Ший аргIах, Пхьиленаькъан Хьавас дийцар берашта, наркотиках кхийтта саг малагIча административни уголовни бехктокхаме отт, из озаш е тохаш, е йохкаш хиларах.

Кагийбараша чIоагIа терко тIайохийташ ладийгIар, иштта шоашта хетар а аьлар цу хьакъехьа, дIахо цар дийцар, шоашта юкъе нийслуш долча социальни хьалех.

Хьалхадоаккх, ГIалгIай Республика доазон тIа, ГIалгIай Республика МВД наркотикашта тIахьожам лоаттабеча Урхалено «Хоам бе мичахьа йохк наркотикаш» яха, Россе юкъара акци дIахьо 2022 шера, тушола бетта дийттлагIча дийнахьа денз, ткъаь пхелагIча денга кхаччалца.

Из лоархIаме мероприяти дIахьош, бокъонаш лораераш лаьрхIа ба региона бахархой а юкъебаха, из унзара зулам юхатохара.

Иштта, лакха говзал йола, лорий новкхостал дергда наркотикаш лелаерашта, эшаш хуле.

Бахархоша а, шоай даькъе, полицена, наркотикаш йола моттиг гучаяккха новкъостал де деза.