«Тхо террора духьала да» яха семинар дIайихьар вай мехка
Республиканский семинар-практикум по противодействию терроризму «Мы против террора!» прошел в Доме культуры сельского поселения Сагопши. Его участниками стали работники культуры, а главными действующими лицами — школьники. Семинар-практикум проходил в рамках реализации Всероссийского межведомственного культурно-образовательного проекта «Культура для школьников».
«Семинар дIаяхьара керттера бахьан дар кхувш латта къона тIехье «терроризм» яхача зуламах лораяр, цох лаьца берашта ца довзараш дIадовзийтар. Гулбеннарашка дийцар, терроризм яхача воча наькъаца, дин цхьаккха бувзам боацалга а, е хила йиш йоацалга а. Цу харцнаькъа тIа баьннача наха доаржадеш дола зуламаш, шоашта тIехьа ютача унзарча ларах хьоахадир кхетаче», — аьлар тха газетага МагIалбика района администрацен пресс-службе.
Семинаре баьхка хилар, пхье вахаре лоархIаме бола нах. Гулбеннарашта юкъе бар: МагIалбика района администрацен кулгалхо вола Кхузнаькъан Къамбулат, антитеррористически комиссен хьалха латта Джамбулатов Мухьмад, къаман кхоллама ЦIен кулгалдеш вола Эсмарзанаькъан Iалаудин, исбахьален оагIон кулгалду Абдурзаканаькъан Аьсет, МагIалбика района КДЦ хьалхле лелаю Хамхой Адам. Иштта, №30, №19, №8 йолча ишколай дешархой. Ший къамаьла юкъе Кхузнаькъан Къамбулата белгалдир, семинар лакхача боараме дIайихьа хилар. Теркалдир, уж тайпара кхетачеш тахан вайна юкъе геттара эшаш йолга. ДIахьокхача хозача гIулакхо, дуккхача наьха дегашка, цIенагIадар сомадоакх. Цу наькъа тIа кIаьд ца луш къахьегаш дIадаха деза вай дерригаш. Вай барт хуле, кхувш йоагIа тIехье а мехка гIулакх а хозача хьале латтаргда, аьлар Кхузнаькъан Къамбулата.
