ГӀалгӀайчен паччахьалкхен университете, кхерамзлен Ӏалашо яьй
23.03.2024 03:53
Кхы тӀа чоагӀбир ГӀалгӀайчен паччахьалкхен университета кхерамзлен болх, «Крокус Сити Холле» террористически хатар хиларца дувзаденна, яхаш, дийцар «Сердало» газетага республикан керттерча дешара моттиге.
«ТӀахьожам чӀоагӀбаьб общежите, дешара моттигашка. Хьаьша тӀаэцара общежитера болх соцабаьб, лаьрххӀа йола ха хьаотталца. Шоатта дийнахьа дешар дистанционно оалача кепара дӀахьоргда. Карарча хана цхьаккха кхетаче а хургьяц», - аьлар тха газетага.
ИнгГУ кулгалхоша студенташка, хьехархошка дех, доацача гӀулакха общежитера арацабувлар, дукхача наха юкъе цанийсбалар, дешара моттигерча кулгалхоша беча хоамага ладувгӀаш хилар.
