Дукха бераш долча, вахара хьал хала долча дезалашта гIо дир Илдарха-ГIалий тIа
30.10.2025 10:48
Пригородни кхале доккха хатар этта 33 шу дузаш; дукха бераш долча, вахара хьал хала долча дезалашта кхачанца гIо дир Илдарха-ГIалий тIа. Из хоам «Сердалога» бир мэре зарбан балха кулгал деча Кхорахой Мурада.
«Таро йоацача дезалашта даа хIама чудола тIормигаш дийкъар, вай мехкадас Келаматанаькъан Махьмуд-Iаьлас тIадилла. 1992-ча шерарча гуйран бирсача, халача дийнахьа цхьаккха бехк боацаш вахар хаьдарашта тIера даь сагIа дар из», - йоах тхогарча хоамо.
Бейнарех АллахIа къахетам болба! Ялсмален хьаьший хилба царех! Цар гаргарча наха ийман, сабар лулда Кхеллачо!
