Илдарха-Гӏалий тӏа йоал яккхара болх чӏоагӏбеш ба
Илдарха-Гӏалий тӏа дӏаболабаьб пайда ийцача ӏалама таронех йоал яккхара боарам лакхбеш бола болх, яхаш, дийцар «Сердало» газетага моттигерча администраце зарбан болх лелабеча Кхорахой Мурада.
«Шахьара кулгалхочо Дидиганаькъан Ахьмада тӏадиллача декхарах, администраце болхлой йоал яккхара гӏулакх чӏоагӏдеш ба.
Доалахьара хӏама хьадеш йола моттигаш лархӏа кхел вӏашагӏъеллай, из хьежар доалахьа деча хӏаманга, болхлошца къахьегама договораш чӏоагӏдаьдий, тӏахьожама-кассови техника, эцархочун миӏинг йий, товара маркировка яьйий. Тикай даьшца, уж цу хьалах дӏакхетабеш, болх дабихьар.
Из болх дӏахьоча юкъа, итт моттиг гучаяьлар кхоачамбоацараш долаш. Дӏахо царех йола материалаш тӏахьожама болхлошка дӏайохьийтаргья, де дезар къоастадара», - аьлар тхога хоам баьчо.
