«Цун бахьан хиннад, цигарча наха шоай доалахьарча лаьттан тӀа ток чуюллаш, цаховш 315 мм сомал дола полипропилена турба эккхийта хилар. Из гӀалат цхьан дийнахьа дӀадаккха низ кхачанзар «Водоканала» болхлой, хӀана аьлча чоалхане бар безаш хинна болх. Цудухьа цига юкъебаьхкар «Газстрой» ООО, иштта «Водоканала» къахьегамхой», - аьлар тхоца къамаьл даьчо. Оаха хоам баь хиннача беса, из болх гаьнабаларах, Илдарха-ГӀалан кулгалхоша наха машенашца хий лоаттадир. Иштта дале а, социальни бувзамашка гӀолла наха яздаьчох, ховш дар хий тоъаш цахилар. ХӀанз, кхоачамбоацараш юстардаьхачул тӀехьагӀа, Илдарха-ГӀалан кулгалхоша нахага хоам бир; хин кхоачам хургба, аьнна.