Россе ТПП Конгресс-центре ГӀалгӀайче йовзийташ гойтам хьабийллар
Российски Федераце Мах бара-промышленни палате хьабийллар гойтам, цига йовзаргья ГӀалгӀай Республикан туристически даькъ тӀара таронаш. Из хетабаьб гӀалгӀай халкъа паччахьалкхен 100 шу дизара, яхаш, дийцар «Сердало» газетага Москверча ГӀалгӀайчен массазарча викалаша.
Гойтама программаца мах бара-промышленни палата кулгалхочо, ГӀалгӀайчен Паччахьалкхено, ГӀалгӀай Республикан массазарча викалаша дакъа а лоацаш, герга истолаш хургда», - аьлар тхоца къамаьл даьчо.
Россе ТПП Конгресс-центра гойтаме хургда ГӀалгӀайчен экономически, туристически даькъ тӀа карагӀдоалараш, иштта мехка инвестицей таронаш. Цу кхетаче веначун йиш хургья компане дика проекташ йовза, республикан промышленни хьокхам го.
Гойтама иштта чудоагӀаш да мохк экономически дегӀабар, инвестицей даькъ тӀа карагӀдоалар довзийтар, ГӀалгӀайчен туристически наькъаш, культурни тӀехьале йовзийтар. Иштта вӀашагӀделлад цига дакъа лоацарашта паччахьалкхен таронаш дикагӀа йовзаргйолаш, инвестицеш юкъейоахаргйолаш, бизнес-хьал хьаллоацаргдолаш интерактивни стендаш, гойтамаш кечдар.
