Магасе кхетаче дӏайихьар, ЖКХ дешашта хетаяь
Гӏалгӏай Республикан юкъарлон палато, Ӏамарханаькъан Лейлас кулгал деш, Магасе дӏайихьар «Шахьара боахам: таханарча дено дӏадехараш, иштта тӏахьехараш» яха мехка кхетаче. Из хоам «Сердало» газетага бир цу моттигера.
Сагота латташ дола хаттараш дувца столице гулбелар Гӏалгӏай Республикан Кулгалхочун Администраце, Паччахьалкхен чурча политикан урхаллен кулгалхо Коазой Мухьмад; дерригача доал деча даькъ тӏара викалаш; энергетикан, вахара- коммунальни боахама Министерствон болхлой; автомобильни наькъий, транспорта Министерство, таронашца ӏалашо яра организацеш; Юкъарлон советий, иштта ОПРИ доакъашхой.
Дувца оттадаь хаттараш дар ЖКХ даькъ тӏарча балха тӏахьожам лоаттабар, таронашца ӏалашо яр шахьарий коммунальни балха. Гулбеннараша дийцар шахьара боахама даькъ тӏа шоай балха говзалах лаьца; наьха вахарах, кхоачашде дезаш нийслуш долча декхарех; уж наха дӏадехаш хиларах. Иштта мах оттабир таханарча заман ваштӏардаьча цӏеной урхаллено беш болча балха.
Къамаьл деш администраце болхлоша терко тӏаяхийтар, хицара хьал ладара хилара, иштта белгалйир электричество йоацаш нийслу моттигаш. Цул совгӏа, дийцар наькъашкара хьалаш кхоачам болаш дикал йолаш цахиларах.
«Тахан дӏахьош йола конференци - из я дикача къамаьла чаккхе. Дувцарца мара ховш хилац де дезаш дар. Сона ловра белгалде шух хӏаране дакъа лацар чӏоагӏа лоархӏаме долга. Кхетачен чаккхе еш, оаха оттайир хоамий справка, деррига дийцар чу а лоацаш. Тхо тешаш да, вай республикан дикагӏа бола оамал хьакхайкабергхиларах Москве дӏаяхьа лерхӏача бухсоцача кхетаче», - аьлар Ӏамарханаькъан Лейлас.
