«Боккхийчар тIахьожам боацаш йитарах, лакхача кора тIа этта, арахьежаш лаьттача йиIига нанна духьала доагIар къоастадеш хилар МВД болхлой. Интернете хьежаш багIача Магасерча полице болхлошта дайра, кора санагIа лаьца, дийллача корах арахьежаш латта бер. Из кхераме гIулакх хиннад № 35 йолча цIен квартире, диълагIча гIата тIа», — белгалду Iаьдала болхлоша.

Iалаьмате чехка оарцагIбаьннача МВД болхлоша, шоашца администрацера нах, берашта тIахьожам лоаттабеча оагIон къахьегамхой болаш, йиIиг арахьийжа квартира хьалехар. ЗIамига диъ бер дола кхалсаг ях цу квартире. Цига ха яккха ена хиннай, корах арахьийжа зIамига йиIиг — гаргара саг. Бераш квартире шоаш цхьаь хиннад цу юкъа. МВД болхлоша протоколаш оттадаьд, бераш, тIахьожам боацаш, цхьаь дита арабаьнначарна духьала. МВД болхлоша кхайкарал ду массанега, боккъал лораде шоай бераш! Цхьаь дисача беро фуннагIа хIама де йиш я, цудухьа ма аха уж цхьаь цIагIа дуташ.