Магасерча Заьзганаькъан цӀерахча урам тӀара догӀан хишта лаьрхӀа гӀув тоайир
Магасерча Заьзганаькъан цӀи лелаеча урамера догӀан хишта лаьрхӀа йола гӀув меттайоалаеш баьхкар болхлой укх деношка. Белгалде деза, из болх чакхбаккхар шахьара вахаре лоархӀаме долга.
«ЖКХ болхлой, йоккха юкъ ялалехь, из моттиг тоаяь баьлар. Керда гӀув боаггӀача боараме, таханарча хано дӀадеххача тайпара тоаяьй. Из чӀоагӀа лоархӀаме да, геттара дӀаьха догӀаш латтача хана. «Сердалога» из хоам бир шахьара мэре болхлоша. Из гӀув меттайоалае аьнна шахьарерча хьакимашка леткъараш бахархой бар. Иштта шоаш бахача шахьарах дог лазаш уж хилар боккха лоархӀам болаш да, аьнна, хет администрацена.
Бахархошта, ЖКХ оагӀонцарча болхлошта юкъе иштта бувзам хилча, шахьарера кхоачамбоацараш дикагӀа довз. Наха тӀадена хаттараш тохкаш, цар теркалдаь гӀалаташ меттадоаладе хьожаш къахьега лаьрхӀа ба шахьарерча администраце викалаш дӀахойодача хана.
