Бизнес йоаржае Iомалургба Магасе
17.02.2025 13:43
Таханарча хано дIадеххача тайпара, бизнес лелае Iомалуш йола оагIонаш йовзийташ хургба Магасерча «Ишколе-21».
Республикера «Бизнес-акселератор» я дешар дIахьор. «Акселератора ФРИИ» хьаллоацаш, «Таьрахьашцара гIулакх доаржадарах йолча академе» наIараш йийллача ден хетадаь гIулакх да из. Из кхетаче пайдане хургья бизнес лелаерашта санна, шоай хIама тоаде керда наькъаш лехаш болча цхьацца хIама леладерашта а.
Бизнес нийса лелае, хIама йохка ха дезаш дола тахан хьадаьннараш довзаргда доакъашхошта. ИТ-Академе йоккхача зале укх бетта 20-ча дийнахьа, ши сахьат даьлча хургья кхетаче.
Дакъа лаца безам бараш «ГIалгIайчен бизнес-акселератор» сайте дIачIоагIвала веза.
