Магасе дӀайихьар блогерий дикача гӀулакхий сайре
Магасе дӀайихьар дика кхетаче, из вӀашагӀъеллаяр гӀалгӀай блогераша, яхаш, дийцар «Сердало» газетага цу моттиге.
Таханарча сайрено вӀашагӀтехар цхьан майдан тӀа ноаной, предпринимателаш, студенташ, говзанчаш, юкъарлон болхлой, уж чубоагӀаш ба хьалхарча республикан кхалнаьха блогерий юкъарлонна. Моаршал хоатташ «БлогеRӏ» хьакхеллача Йовлой Лизас баркал аьлар цу юкъе дакъа мел лаьцачоа, новкъостал эшаш бола нах цар хьаллацарах. ГӏалгӀай Республикан Кулгалхочун, Паччахьалкхен чурча политикан урхаллен болхлочо Ӏалбаканаькъан Тамарас белгалдир кхетаче дӀахьош хилар лоархӀаме долга, цо тӀахьийхар из гӀулакх хьаллоацаш мел вар дика гӀулакхаш деча юкъе дакъа лоацаш хилара.
Исламаца ювззаенна викторина дӀахьош, таро йоацача дезалашкарча берашта сертификаташ делар «Немо» центрагара наьк дара бокъо луш дола, «Макка Mood» яхача берий тикан сертификат делар «Таджвида» курс яккхара, «Кхыча беса хьажар» яхача центрагара, иштта дизайнерий йовлакхаш, кхыдола совгӀаташ дир.
Керттера совгӀат даьккхар – Ӏумрате ваха ши бокъо. Из кхаьчар Ачалкхерча даькъ тӀарча дарбанчен болхлочунна Балкхой Зулувхана, из я 45 шу даьнна могаш йоаца йоӀ, цун йиӀиг кхоабаш.
Юххера а, зӀамагӀбарашта дикахетар дир къонача блогераша тайп-тайпарча ловзарашца.
