Магасе дӀадихьар юкъарлонхошца «герга истол»
Магасе, «ЦаӀ йола Росси» яхача парте Кулгалхочун Д. Медведева юкъарлон приемне «герга истол» дӀадихьар юкъарлонхошца, из хетадаь дар кагирхой Денна, яхаш, дийцар «Сердало» газетага цу моттиге.
«Из хилар бахьан долаш, «ЦаӀ йолча Россе» парте моттигерча комитета кулгалхочо Кхоартой ИбрахӀима баркал аьлар дукхача доакъоех латтача профессиональни колледжа студенташта, дукхача хана денз шоаш дикача оагӀорахьа хьабовзийтарах дика волонтераш болаш. Къамаьл деш, белгалдир кагирхой проекташ кхоачашъяра де дезар, хьалхашка латта декхараш ер шу чакхдалале кхоачашде дезилга», - аьлар хоамо.
Спикера яхачох, дукхагӀа болча наха дагадоаллар да социальни таро хилар. Цу тайпара уйлаш хиларо хьагойт наьха сакхетам лакха хилар, цо гӀадвуг.
Вай хьадеш мел дола дика, пайданедар вайна дусаргда, иштта хургда водар а.
«Вай декхар да ший санна юкъарлон а уйла еш хилар. «ЦаӀ йола Росси»- дегӀавара дика майда я, ший таронаш маьхалъяхара, ший граждански оагӀув хьагойтара. Со тешаш ва хьамсарча ГӏалгӀайченна а, йоккхача Россена а вай кхы а дукха дика гӀулакхаш дергда аьнна», - аьлар Кхоартой ИбрахӀима.
Кхетаче йистейоалаш, лоӀамхошта уж даькъалабувцаш адресаш, дагалоаттама совгӀаташ делар «ЦаӀ йолча Россе».
