Магасе турпалхо-пограничник Бодак Николай дагалаьцар
Магас-Шахьара №1 йолча ишколе-берий беша лаьрххӏа «Турпалхочун Парта» хьайийллар, из хетаяьяр Гӏалгӏайче гӏолла йолча Россе ФСБ Погранични урхаллен болхлочунна Бодак Николай Михайловича. Ишколерча сийленго лелабергба, ший тӏема декхараш дика кхоачашдарах, валарца Денала орден еннача бӏухочох бола дагалоаттам.
«Из кхетаче дӏахьош дакъа лоацаш хилар Россе Президента СКФО викала аппарата Гӏалгӏайче гӏолла вола федеральни инспектор Гудов Залим, Гӏалгӏайче гӏолла йолча Россе ФСБ урхаллен погранични гӏулакха кулгалхо Синицын Вадим, «Россе эпсараш» яхача моттигерча даькъа кулгалхо Галай Руслан, иштта турпалхочун фусам-нана Бодак Мария.
«Турпалхочун Парта» хьаделлар лоархӏаме да, цо лелабергба цох бола дагалоаттам, денал дола бӏухо цӏаккха а вицлургвац вай ноахалашта. Цу тайпара кхетаченаш дӏахьоча хана, кхувш йоагӏача тӏехьено дикагӏа дӏаэц цу гӏулакха лерхӏам, граждански бехктокхам хилар, Даьхен гӏулакх дар мел лоархӏаме да кхетаду», - аьлар «Сердало» газетага Гӏалгӏайчен дешара Министерстве.
«Турпалхочун парта» - из мемориальни улг хинна ӏац. Цо тешал ду цу сага денала, цунна карагӏдаьннача турпала гӏулакхашта, из ший Даьхе езаш хилара, цо хьалхадоах дешархошта Даьхен бӏухочун турпала гӏулакхаш. Цун исторе ӏомабергба уж шоай Даьхен ханаш бехктокхаме лорае, Россе мехкагӏончий болаш хьалкхе.
