МагӀалбике хьйийллар дезалца салоӀа керда моттиг
МагӀалбике керда моттиг хьайир, «Baby Room» яхаш цӀи йолаш, дезалашта салаӀара, цига хӀаранена корадергда шийна дезаш дола хӀама. Хоза, паргӀата моттиг я салаӀа а иштта берашта ловза а таро йолаш, дезала кафе я, хоза мукъа ха дӀаяхьа йиш йолаш кийчьяь.
«Baby Room» яха ловзара дакъа, еррига кхерамзлен оагӀонаш чулоацаш, тоадаь да. Зӏамигача берашта ловза моттиг я, дегӀаахара даькъ тӀара ловзоргаш да. Дезала кафе эца йиш я хӀаьтта хьадаь мерза малараш, керда сомаш, чам бола даараш, боккхийчарна а зӀамагӀчарна а, иштта дезала истола лаьрхӀа моллагӀа дола дехар кхоачашду», - аьлар «Сердало» газетага МагӀалбика администраце.
Дикача салоӀамо паргӀато лургья берий даьшта, бераш ловзаш лелача юкъа, цар даьй а салаӀа таро йолаш ба. Цу гӏулакха эша говзал йола болхлой хьожаргба берашка, царна кхерам болаш хӀама нийслургдоацаш.
