МагӀалбике «Российски берий Гӏор-Дади» яха болам дӀабихьар
ГӏалгӀай мехка, кердача шера цӀай долаш, «Хьалхарчар боламо» «Российски берий Гӏор-Дади» яха цӏай дӀадихьар. Из дӀадахьара бахьан дар - ший професси е кхыдола вахарера бахьан хиларах. Кердача шера цӀай дезде йиш йоацаш бисарий дог хьаьстар: лорий, цӏераш йоаерий, коммунальни гӏулакха болхлой - кхыча лоархӀамеча профессей викалий. Магӏалбика дешархоша балха тӀехьа мукъа воацарех лаьрхӀар администраце кулгалхо Галай Муса а.
«Кхетаче дӀайихьар, хоза вӀашагӀкхийтта. №1 йолча гимназе дышаш долча бераша дег чура баркал аьлар мэра, дӀайхача дешашца ловца баьккхар хьамсара шахьар тоаярах. Хӏара дош цӀенача дег чура доагӀаш дар, уж къаьстта бераш оалаш хиларах хьамсара а долаш. Баркал оалаш, лерхӀамца бераша Ӏийсай Мусайна кийчдир доккха доаца цӀай дакъа. Цар йийшар кердача шера хетаяь байташ, уж хьалйиза яр безамах», - аьлар «Сердало» газетага МагӀалбик-Шахьара администраце.
СовгӀаташ луш йола оагӀув лаьрххӀа дӀайихьар. Къонача хьаьшаша администраце кулгалхочунна сомий тускар делар, из геттара безаме хилар, къаьстта бераш луш дола совгӀат хиларах. Из деррига боккхача безамца деш хилар гуш дар, хӀаьта ший аргӀагӏа Галай Мусас а берашта кердача шера совгӀаташ делар.
