Магӏалбикерча Балкарски оалача урам тӏара хий тоадеш латт
Магӏалбике СВО доакъашхой дезалашца дӏайихьача кхетаче де доацаш вайнача бӏухочун Галай Ислама цӏен-нанас дехар дир, ше яхача Балкарски оалача урам тӏа ший цӏенна хий хьатӏада, аьнна. Шахьара да вола Галай Муса араваьлар цу моттига хьал тахка. Иштта мэре болхлой,
«Даьхен лорабой» яхача ганза доакъашхой бар цунца. «Хин лини дӏатӏахьош бола болх ӏалаьмате чехка дӏаболабе, аьнна, тӏадиллар цо. Тӏема доакъашхой, цар цӏагӏарча наьха оагӏув хьаллацар тахан лоархӏамеча декхарех да.
Шахьара дас ше тӏахьожам беш, терко лоаттаеш дӏахьош бола болх ба из», - дийцар «Сердалога» шахьара администраце зарбан болх лелабечар. Турпалий дезалашта терко лоаттаяр вай хьакимий декхар да! СВО доакъашхоша, цар цӏагӏарча наха тӏадена гӏулакх кхоачашдара тӏехьа ураотта безаш ба тахан берригаш.
