МагӀалбика кхален бахархошта хий лоаттаду
22.07.2024 19:02
МагӀалбика кхале наха хий лоаттаду, цу даькъ тӀа из кхоачам боацаш хиларах. ХӀара денна, молаш дола цӀена хий хьакхухьаш латт наха. Хий хьаӀоадеш йолча станцера хӀара Ӏуйрийна шоай машинашца бахархошта хьадахь из водителаша. Юртарча администрацешка хий дехаш дола дехараш наха дӀалу, хӀаранена дӀа а дихье, хий чудотт цар гӀувнашка.
«ЦаӀ йолча хин даькъ тӀарча оператора ГУПо» шийна могар ду наха хий хилийтара, бакъда ара чӀоагӀа йӀовхал этта хиларах, хий массанахьа дӀакхачац.
Из хьал эттад Инаркъе, СоагӀапча, Долакоа. Хий дӀадохьийт дехарашка хьежжа, уж нах бахача моттиге», - аьлар «Сердало» газетага МагӀалбика кхален администраце зарбан болх лелабераша.
Белгалду, паччахьалкхено лаьрххӀа йола автотранспорт хьожаяьй цу гӀулакха.
