«Ишколе даха кийчде бер» яха болам хьаллаьцар МагӀалбика кхале
28.08.2024 09:48
«Ишколе даха кийчде бер» яха, хӀара шера вай мехка дӀакхухьаш бола беркате болам хьаллаьцар МагӀалбика кхален администраце. Юртий администрацей кулгалхошца кийчдаь, ишколе мел эшаш бола кхоачам чубола 200 совгӀа тӀормигаш дӀадийкъар цар дешархошта юкъе.
«Вай мехкадас Келаматанаькъан Махьмуд-Ӏаьлас могадаь, дӀахьош да из беркате гӀулакх. Болама керттера декхар - тӀема операцен юкъе вахар хаьдача бӀухой дезалашта, халача хьале боахкарашта гӀо дар.
Дешара шу безамца, дега гӀозаленца дӀадоладе даькъалабийцар дешархой администрацей болхлоша», - дийцар «Сердалога» МагӀалбика кхален администраце.
Теркалбаь бахархой доккха баркал оалаш бар, шоай оагӀув хьаллацарах.
