Москве «Меттаоттадар» яхача ганза кхетаче хилар
Москве хилар «Меттаоттадар» яхача Гуцаранаькъан Микаила 2023 шера хьакхеллача дикача гӀулакхий ганза Кхела, гӀо-новкъостал деча кхела гуллам. Цига дакъа лоацаш вар ГӏалгӀай Республикан премьер-министр Сластенин Владимир. Дувцаш хинна дешаш дар ГӏалгӀай мехка дӀахьош йола вахара проекташ, иштта 2024 шера ганза баьча балха чаккхе яр.
Ганзо дика къахьег ялх оагӀорахьа, исторически тӀехьале лораеча, культуран, спорта мах бараш лорадеча, иштта кхыдолча доакъош тӀа. Ганза новкъосталца дика дӀахьош да Жӏайрахьа кхален гӀалай комплексаш меттаоттаяра балхаш, цига укх массехк шера юха меттаоттаеш я гӀалгӀай баьха юрташ Хьарп, Морч. Иштта дӀахьош да археологически тохкамаш къаьнарча «Тхьаба-Ерд» яхача кераста дин езача моттига доазон тӀа, иштта «Вӏовнашке» яхача гӀалай комплексе.
«Уж исторически моттигаш тоаяр, лоамашка баьхача вай дӀабахача даьй хинна вахара хьисап, цар леладаьр тоадеш хилара мах баь варгвац. Вай ноахала наггахьа мара хулаш йоаца таро я дӀаяхача заман шоай даьша леладаь мах бараш го», - аьлар Келаматанаькъан Махьмуд-Ӏаьлас, «Меттаоттадар» яхача ганза балхах дувцаш.
Ганза иштта доккха новкъостал ду могашал эшаенна бераш хьаллоацаш, царна буаш бола кхача лоаттабеш.
Къаман берий театра лаьрхӀа укх заман гӀирсаш ийцад, цар таро лу цхьадола хӀама берашца Ӏомаде.
Келаматанаькъан Махьмуд-Ӏаьлас баркал аьлар Гуцаранаькъан Микаила цу юкъе доккха дакъа лацарах, цо белгалдир хӀара проекто ГӏалгӀайчен бахархой вахаре дика хувцамаш дахьаш хилар.
2025 шера ганзо дӀахо дӀахьоргда кхыдола балхаш, цу юкъе исторически гӀишлош а йолаш, иштта керда проекташ белгалъергья, уж тӀаерзаяь хургья республикан бахархой вахар тоадара.
