РФ моттигашкарча ГӀалгӀайчен викалий кхетаче хилар Москве
Москве йоккха кхетаче дӀайихьар РФ тайп-тайпарча моттигашкарча ГӀалгӀайчен викалаш гулбеш, яхаш, хоам бу «Сердало» газетага вайцигарча миннацо. «Из лоархӀаме кхетаче дӀахьош 2023 шера баьча балха жамӀа дир, иштта белгалбир 2024 шера бергбола болх.
Бе-беча моттигашкарча викалаша дийцар баьча балхах, из дика баь хилар теркаме а эцаш, цига хиннарашта баркал оалаш грамоташ елар», - йоах хоамо. Белгалду, ГӀалгӀай Республикан викалаш баха хилар«Россе мехкаш» яхача ВДНХ гойтаме.
Республико гойтар хозача сурташца хьамсара мохк, тӀабувхабу, вахаре лелабу гӀирс, ГӀалгӀай къаман культура. Иштта хоам бу, ГӀибухен-Малхбузен федеральни кура тӀарча гӀалгӀай къаман викалаша лоаццача хана боккха болх баь хилар.
Цар дӀайихьай 36 кхетаче, ГӀалгӀай Республикан викалаш дакъа а лоацаш. ВӀашегӀкхетаре иштта белгалдир, дӀахо а цу даькъ тӀа къахьега дезилга, хьамсара республика а мохк а дегӀакхувлара.
