Къаман библиотеке ИЗОх говзанч-хьехам дӀахьоргба
Янданаькъан Джамалдий цӀерагӀча къаман библиотеке, Шолжа-Шахьара халкъа кхоллама цӀен хьехархочо, суртанчас, республикан культуран сий долча болхлочо Ильясанаькъан Индирас исбахьален искусствах бола говзанч-хьехам дӀахьоргба. Кхетаче хургья «Моттигера Ӏилманхо» яхача проекта чуйоагӀаш, аьлар «Сердало» газетага керттерча библиотеке.
Искусство езаш а из Ӏомае ловш а вола саг, цу говзанч-хьехаме дакъа лаца йиш йолаш ва. Ильясанаькъан Индирас шийна ховшдар декъаргда хьабаьхкача нахаца, кхоллама кӀийле йовзийтаргья, суртанча бӀаргашца дуне гойтаргда. Кхетаче накъаяргья говзал йолча суртанчашта санна, из болх Ӏомабеш боагӀарашта а.
Доакъашхой таро хургья тайп-тайпара техника, хӀамаш го, иштта мах бола хьехам бергба ший болх дика ховш йолча говзанчас», - аьлар тхога хоам баьчо.
