«Россе аьрзелгий хьехамчаш» яха семинар дӏайихьар Наьсаре
«Россе аьрзелгий хьехамчаш» яха ишколай кулгалхой гӏончашта, берий даьшта, ноаношта цхьаццадараш хьалхадоахаш йола семинар дӏайихьар Наьсаре. «Сердалога» цу тайпара хоам бир из гӏулакх дӏахьош хиннараша.
«Наьсарерча № 15 йолча ишколе дӏайихьача кхетаче хьехархошта дийцар болх мишта дӏабахьа беза, иштта «Россе аьрзелгаш» яхача программанна юкъе лакхерча классашкарча бераша малагӏа дакъа лаца деза. 10-ча, 11-ча классашкара дешархой бар тематически доазон тӏа спикераш хиннараш. Берашцара болх дӏабахьарах лаьца дийцар цар», - йоах тхога бенача хоамо.
«Бералла наькъаш» яхача Ерригача Россе проекта доакъашхо йолча Коазой Миланас дийцачох, берригаш вӏашкаозаш, Даьхенцара безам, лерхӏам лакха бола тӏехье ураоттаяра тӏехьа пайда беш, кхетаче хилар цох.
