«Студентий вахарга баьккха гIа» яха Ерригача Россе болам дIабихьар мехка
26.01.2026 10:42
Студента Денна хетабаь Ерригача Россе болам хьаллаьцар вай мехка «Хьалхарчар болам» яхача оагIоно. Iарпенаькъан И.Ю. цIи лелаеча политехнически колледже баха хилар дешархой студенташ даькъалабувца.
«Селхан ишколера арабаьнна, тахан студенташ болаш кердача наькъ тIа баьннараша Наьсарерча № 19 йолча ишкола дешархошта дийцар студентий денош мишта дIадолх, урокашта, студентий парашта юкъе малагIа башхало я, иштта кердача наькъ тIа нийслуча цхьацца халонех а. Дешархошта хьалхадаьккхар вахаре накъадаргдола, шийна дIадахьа могаргдола гIулакх хоржаш; эггара чIоагIагIа лораде дезараш малагIаш да», - дийцар тха газетага.
Колледжа моттигашка гIолла экскурси е, цхьацца кердадараш довза аьттув баьлар берий.
