Наьсарерча № 21 йолча ишкола тӀабода никъ тоабеш латт
25.12.2023 09:24
Наьсарерча № 21 йолча ишкола гонахьара, 300 метр бола никъ тоабеш боахк болхлой. Из хоам «Сердало» газетага бир шахьара администраце зарбан болх лелабераша.
«2024-ча шера тоабергба аьнна къоастабаь латташ бар из никъ, бакъда вай Мехкадас тӀадиллар, ишкола дӀатӀаухача берашта хало хургйоацаш, никъ хӀанззехь тоабе аьнна», - белгалдир шахьара дас.
Дукха ха йоацаш, наьха хаттарашта жоп луш, телевидене гӀолла Мехкадаь къамаьл хиннача хана, Наьсарерча яхархочо дехар даьдар; из никъ тоабе, аьнна.
