Наьсарерча таханарча заман хьалаш яхача Ишколе, дIахьоргда йийллача наIарий ди
Наьсарен-Шахьара берий исбахьален ишколе, кхоана йийллача наIарий Ди дIахьоргда. Кхетачен программа хургья дика а пайдане а. Хьаьший таро хургья кхоллама балха дакъа лаца, цига хургья таханарча заман дешара пхьоалленаш, иштта инноваце кхоллама лаборатореш.
«Йийллача наIарий Ди- лоархIаме таро я хургболча студенташта, цар даьшта, тха ишкола дикагIа йовзара, дукха цун тамашийна таронаш бIаргагора, цига шоай хаттараш дала йиш я. Кхоллама таронаш дегIайоалаяра тIехьа укхаза хьа мел воагIача сага раьза да тхо!» - аьлар «Сердало» газетага Наьсарен ДХШ кулгалхочо Мержой Лидифас.
Таханарча заман хьалий Ишколан студенташца вIашагIкхетаро таро лу хьалхарча аргIагIа йоагIаш йола дешара оамалаш йовза. Говзал йолча хьехархоша ювцаргья балха къайленаш, хьехара хьалаш; таханарча студенташа шоай толама истори дувцаргда.
Говзанчаша дIахьош дола хьехамаш накъадаргда, дешара никъ хоржача. ХIара хьаьша ва цу тайпара хоам бовза йиш йолаш, деша оттара, таханарча заман хьалаш дегIадоаладара даькъ тIа.
Из кхетаче дIахьош, дешара хьал вIашагIдолларца дувзаденна шоашта ловш дола хаттараш дала йиш хургья, дешара даькъ тIа къаьстта ха дезараш белгалдергда.
