Наркотикашца базар лелаярах дегабуам беш, полице болхлой дӀалийцар Наьсаре
Наркотикашца базар лелаярах дегабуам беш, Россе МВД Магасерча шин болхлочоа духьала гӀулакх хьадийллад Ӏаьдало. Из хоам «Сердалога» бир мехкарча Тохкама оагӀон болхлоша.
ДӀабихьача тохкамах, уж ши саг бехке ву РФ УК 3-ча даькъа «а» яхача п. 228.1 статьях (хьалххе тоабанца вӀаший барт баь наркотикаш йохкар).
Ӏаьдала болхлоша белгалдечох, 2025-ча шерарча ахкан хьалхарча бетта 3-ча дийнахьа, хьалххе дийца вӀашагӀделла, Наьсарерча Фабрични оалача урам тӀа мехкарча яхархочунга наркотикаш яха дохьаж дехкад цар.
Ӏаьдало сиха дӀабихьача балхах, цаӀ карарча хана лаьца воалл. Цун гӀулакх дӀахо дувцаш латт тохкама болхлоша. Цу бӀехача базарца дувзаденнараш гучадоахаш, из гӀулакх ма дарра тохкаш да Ӏаьдал.
Мехкарча Тохкама оагӀон кулгалхоша, шоаш тӀахьожам беш, дӀахьош ба из болх. Россе моттигерча МВД цу оагӀонцарча болхлоша гулдаьчун тӀагӀолла хьадийллад гӀулакх. Чухьарча гӀулакхий болхлоша даь моллагӀа зулам боаггӀача боараме бехктокхаме озаш хургдолга хьагойт цу моттиго.
